अमळनेर : प्रतिनिधी
मोटरसायकलने उभ्या ट्रॅक्टरला धडक दिल्याने पिळोदा येथील वृद्ध दाम्पत्य जागीच ठार झाल्याची दुर्दैवी घटना ४ रोजी सायंकाळी साडे सहा वाजेच्या सुमारास गांधली रस्त्यावर सप्तशृंगी मंदिराजवळ घडली. याप्रकारणी पोलिसांत अपघाताची नोंद करण्यात आली आहे.
मिळालेल्या माहितीनुसार, पिळोदा येथील युवराज दयाराम पाटील (वय ६२) व त्यांच्या पत्नी मंगलबाई युवराज पाटील (वय ५५) हे मोटरसायकलवर पारोळा येथे गेले होते. सायंकाळी गावाकडे परत येत असताना सप्तशृंगी मंदिराजवळ उभ्या असलेल्या ट्रॅक्टरला धडक दिल्याने युवराज पाटील यांचा जागीच मृत्यू झाला तर मंगलबाई यांचा श्वास सुरू असल्याने त्यांना तातडीने उपचारासाठी रुग्णालयात दाखल करण्यात आले होते. मात्र काही वेळातच उपचार घेताना त्यांचाही मृत्यू झाला. त्यांच्या पश्चात भाऊ व दोन मुली आहेत.
