जळगाव : प्रतिनिधी
शहरातील एका परिसरात हॉटेलचा वापर वेश्या व्यवसायासाठी करणा-या दोन जणाविरोधात एमआयडीसी पोलिस स्थानकात गुन्हा दाखल करण्यात आला आहे.
मिळालेल्या माहितीनुसार, जळगाव शहरातील एका परिसरातील हॉटेलमध्ये अचानक दि. ३ डिसेंबर रोजी पोलिसांनी छापेमारी केली असता याठिकाणी पश्चिम बंगाल येथील २० वयोगटातील पाच तरुणी या हॉटेल वजा लॉजमधे आढळून आल्या. या प्रकरणी सचिन सुरेश साळुंके (वय ३५ वर्ष, व्यवसाय नोकरी, नेम- उप विभागीय पोलीस अधिकारी कार्यालय, जळगाव) यांच्या फिर्यादीवरून एमआयडीसी पोलिस स्टेशनला संशयित आरोपी सागर नारायण सोनवणे (लॉज मालक) व शाम विश्वास बोरसे यांच्या विरोधात गुन्हा दाखल करण्यात आला आहे. पुढील तपास पोलिस निरीक्षक जयपाल हिरे हे करीत आहेत.
