धरणगाव (प्रतिनिधी)। धरणगाव तालुक्यातील एका १४ वर्षीय अल्पवयीन मुलीवर अत्याचार केल्याची धक्कादायक घटना धरणगाव तालुक्यात उघडकीस आली आहे. याप्रकरणी एका तरूणावर धरणगाव पोलीस ठाण्यात तरूणावर गुन्हा दाखल करण्यात आला आहे. दरम्यान या घटनेनंतर संशयित आरोपी फरार आहे.
धरणगाव पोलीसांनी दिलेल्या माहितीनुसार, धरणगाव तालुक्यातील एका गावात १४ वर्षीय अल्पवयीन मुलगी, आई, बहिण आणि भावासोबत वास्तव्याला आहे. सोमवारी ६ डिसेंबर रोजी घरातील सर्वजण जेवण करून रात्री ८ वाजता झोपले. त्यावेळी अल्पवयीन मुलगी देखील झोपलेली होती. रात्री ९ वाजता पिडीत मुलगी लघुशंकेसाठी उठली असता त्याच गल्लीतील संशयित आरोपी योगेश दिनकर कोळी याने मागून येवून अल्पवयीन मुलीचे तोंड दाबले त्यानंतर तिला ओढत नेत त्याच्या नातेवाईकाच्या घरात तिच्यावर अत्याचार केला. दरम्यान, दुसरीकडे मुलगी घरात आढळून आली नसल्याने पिडीत मुलीची आईसह सर्व नातेवाईकांनी परिसरात शोध करूनही मिळून न आल्याने हाताश होवून चितेंत होती. त्यानंतर सोमवारी मध्यरात्री १२.३० वाजता पिडीत मुलगी घरी आल्यावर तिने आपल्यावर अतिप्रसंग कथन केले. याप्रकरणी मंगळवारी ७ डिसेंबर रोजी सायंकाळी धरणगाव पोलीस ठाण्यात पिडीत मुलीच्या आईने धाव घेतली. फिर्यादीवरून संशयित आरोपी योगेश दिनकर कोळी पोक्सो कायद्यांतर्गत गुन्हा दाखल करण्यात आला आहे. संशयित आरोपी हा फरार आहे. पुढील तपास पोहेकॉ अमोल गुंजाळ करीत आहे.
