नवी दिल्ली : वृत्तसंस्था
देशभरात अनेक गुन्हेगारी घटना शेवटच्या टोकावर जात असल्याच्या घटना घडत असतान एक धक्कादायक घटना चेन्नईच्या क्रोमपेट परिसरातील एका हॉटेलमध्ये ही घटना घडली आहे. प्रेयसीची हत्या करुन प्रियकराने तिच्या मृतदेहाचे फोटो व्हॉट्सअॅप स्टेसला ठेवल्याची घटना समोर आली आहे. त्यांच्या एका मैत्रिणीने स्टेटस पाहिल्यानंतर पोलिसांना याबाबत माहिती दिली. या प्रकरणी पोलिसांनी आरोपी प्रियकराला अटक केली आहे.
पोलिसांनी दिलेल्या माहितीनुसार, क्रोमपेटमधील एका हॉटेलमध्ये सकाळी १०.३० वाजता आशिक (२० वर्ष) आणि फौसिया (२० वर्ष) हे दोघे आले होते. हॉटेलमध्ये आल्यानंतर फौसिया आणि आशिक यांच्यात जोरदार भांडण सुरु झालं. फौसियाने आशिकच्या मोबाईलमध्ये असेलल्या महिलांच्या फोटोबाबत विचारणा केली. यावरुन आशिकने फौसियाने हॉटेलमध्ये मारहाण करण्यास सुरुवात केली आणि त्याच्याच टी शर्टने गळा दाबून तिची हत्या केली. त्यानंतर तिच्या मृतदेहाचे फोटो व्हॉट्सअॅपला स्टेटस ठेवले.
फौसियाच्या कॉलेजमधील ज्या मैत्रिणींकडे आशिकचा नंबर होता, त्यांना हे स्टेटस पाहून धक्काच बसला. त्यांनी तातडीने याबाबत पोलिसांना माहिती दिली. पोलिसांनीही तत्काळ कारवाई करत परिसरातील सर्व हॉटेल्स, लॉजची झडती घेतली. त्यावेळी क्रोमपेटमधील सीएलसी वर्क्स रोडवरील एका हॉटेलमध्ये फौसियाचा मृतदेह आढळला. त्यानंतर पोलिसांनी परिसरातील सीसीटीव्ही तपासले आणि आशिकला जवळल्या एका हॉटेलमधून अटक केली. पोलिसांनी केलेल्या चौकशीत धक्कादायक माहिती समोर आली आहे. दोघे मागील पाच वर्षांपासून रिलेशनशिपमध्ये होते. दोन वर्षांपूर्वी या दोघांचा ब्रेकअप देखील झाला होता. अशिकचे इतर काही महिलांसोबत अफेअर असल्याची माहिती फौसियाला मिळाली होती. त्यानंतर तिने पोलिसांत याबाबत तक्रारदेखील दाखल केली होती.
