सा.दा. कुडे व बालकवी विद्यालयाच्या विद्यार्थिनींची राज्यस्तरावर निवड

धरणगाव लक्ष्मण पाटील : येथील बालकवी ठोंबरे प्राथमिक शाळा व सारजाई दामोदर कुडे माध्यमिक विद्यालयातील 18 वर्ष आतील मुलींच्या गटातून जिल्हा स्तरावर झालेल्या क्रॉसकंट्री अजिंक्यपद स्पर्धेत शाळेतील रूपाली विजय कुंभार ही जिल्ह्यातून प्रथम प्रीती तापीराम इंगळे ही द्वितीय आली यांनी 3 किलोमीटर धावण्याच्या स्पर्धेत जिल्हा स्तरावर घवघवीत यश संपादन केले. त्यांची आता राज्यस्तरावर निवड झालेली असून त्यांच्या निवडीबद्दल संस्थेचे सचिव प्रा. रमेश महाजन यांनी विद्यार्थिनी खेळाडूंचं गुलाबपुष्प देऊन अभिनंदन केलं व पुढील यशासाठी शुभेच्छा दिल्या. तसेच संस्थेचे अध्यक्ष हेमलालशेठ भाटिया व उपाध्यक्ष अंकुश पाटील आणि सर्व संचालक मंडळ यांनी सुद्धा त्यांचे अभिनंदन केले. याप्रसंगी माध्यमिक विभागाचे मुख्याध्यापक एस. एस. पाटील व प्राथमिक विभागाचे मुख्याध्यापक जीवन पाटील तसेच शाळेतील सर्व शिक्षक, शिक्षिका व शिक्षकेतर कर्मचारी यांनी त्यांचे अभिनंदन करून शुभेच्छा दिल्या. यशस्वी विद्यार्थिनींना क्रीडाशिक्षक एस. एल. सूर्यवंशी यांचे मार्गदर्शन लाभले.