भुसावळ : प्रतिनिधी
तालुक्यातील वरणगाव सावतर शिवारातील शेताच्या गोदामातून चोरट्यांनी ३० हजारांच्या कापसासह २० कोंबड्या लांबवल्याचा प्रकार समोर आला आहे. याप्रकरणी वरणगाव पोलिसात अज्ञात चोरट्याविरोधात गुन्हा दाखल करण्यात आला.
वरणगाव येथील उदय नारायणराव देशमुख यांनी या संदर्भात वरणगाव पोलिसात फिर्याद दिली आहे. त्यानुसार, २८ रोजी सायंकाळी साडेसात वाजेच्या सुमारास सावतर शिवारातील त्यांच्या शेताच्या गोदामातून चोरट्यांनी अंदाजे ६ क्विंटल कापूस भरलेल्या गोण्या व २० कोंबड्या असा एकूण ३० हजारांचा मुद्देमाल लांबवला. शेतकरी देशमुख हे शेतात म्हशीचे दुध काढण्यासाठी गेल्यानंतर हा प्रकार लक्षात आला. तपास सहाय्यक निरीक्षक आशिषकुमार अडसुळ यांच्या मार्गदर्शनात हवालदार मनोहर पाटील करत आहेत.
