नाशिक : वृत्तसंस्था
राज्यातील अनेक शहरात गुन्हेगारी वाढत असतांना नेहमीच पोलीस अधिकारी व कर्मचारी कारवाई करून गुन्हेगारांना वठणीवर आणत असतात नुकतेच नाशिक रोड पोलिसांनी कोम्बींग मोहिमेत पोलिसांना शिवीगाळ करणा-या एकास अटक करण्यात आली आहे. याप्रकरणी नाशिकरोड पोलिस ठाण्यात सरकारी कामात अडथळा आणल्याप्रकरणी गुन्हा दाखल करण्यात आला आहे.
मिळालेल्या माहितीनुसार मालधक्कारोड परिसरातील मातोश्री रमाबाईनगरातील भिमचंद्र रूपचंद चंद्रमोरे (वय ४५) असे अटक करण्यात आलेल्या संशयिताचे नाव आहे. याबाबत हवालदार संदिप पवार यांनी फिर्याद दाखल केली आहे. पोलिस आयुक्त संदिप कर्णिक यांच्या आदेशान्वये मंगळवारी (दि.२८) रात्री शहरात सर्वत्र कोम्बींग ऑपरेशन राबविण्यात आले. यावेळी पवार यांच्यासह त्यांचे सहकारी रमाबाई आंबेडकर नगर भागात मद्यपान केलेल्या इसमांवर कारवाई करीत असतांना ही घटना घडली. संतप्त संशयिताने पोलिसांना शिवीगाळ व दमदाटी करीत सरकारी कामात अडथळा आणला. अधिक तपास सहाय्यक निरीक्षक जगताप करीत आहेत.
