मुंबई : वृत्तसंस्था
प्रेम प्रकरणातील तणावातून तरुणीने बेडशीटच्या मदतीने गळफास घेत मुंबईत नौदलात अग्निवीरचे प्रशिक्षण घेत असलेल्या २० वर्षीय तरुणीने आत्महत्या केल्याची घटना समोर आली आहे. यात अपर्णा असं या मृत तरुणीचे नाव आहे. या प्रकरणी मालवणी पोलिस अधिक तपास करत आहेत.
मिळालेल्या माहितीनुसार, तरुणीचे एका तरुणासोबत प्रेमसंबंध होते. प्रेमसंबंध सुरळीत होत नसल्याने तरुणी बऱ्याच दिवसांपासून तणावाखाली होती. या त्रासाला कंटाळून तरुणीने बेडशीटच्या मदतीने गळफास घेऊन आत्महत्या केल्याची प्राथमिक माहिती समोर येत आहे. तरुणीचं नुकतच अग्रिवीर योजनेंतर्गत निवड झाली होती. तरुणी ‘आयएनएस हमला’वर प्रशिक्षणासाठी आली असताना ही घटना घडली आहे. या घटनेची माहिती मिळताच नौदलाच्या डॉक्टरांना पाचारण करण्यात आले. प्राथमिक तपासणीनंतर डॉक्टरांनी तरुणीला मृत घोषित केले. तरुणीच्या आत्महत्येनंतर पोलीस या प्रकरणाचा तपास करत आहेत. मुलीचे कोणाशी प्रेमसंबंध होते. प्रेमसंबंधात कोणत्या कारणावरून वाद सुरू होता. या सर्व बाजूंनी पोलीस तपास करत आहेत.
