जळगाव : प्रतीनिधी
शहरातील शिवाजीनगरातील अमनपार्कमध्ये शिवीगाळ करीत असल्याचा जाब विचारल्याच्या कारणावरुन चाकूसारख्या धारदार शस्त्राने वार केले. ही घटना शनिवारी रात्रीच्या सुमारास घडली. याप्रकरणी पाच जणांविरुद्ध शहर पोलिस ठाण्यात गुन्हा दाखल करण्यात आला आहे.
मिळालेल्या माहितीनुसार, शहरातील शिवाजी नगरातील अमन पार्कमध्ये रईस शेख रशिद शेख हा तरुण वास्तव्यास असून त्यांच्या शेजारी राहणारे अब्दुल लतीफ शेख व ईस्माईल शेख, खलील शेख, वशीम शेख, नदीम शेख हे राहत असून त्यांनी त्यांच्या घरासमोर मोबाईचे दुकान टाकले आहे. त्याठिकाणी गर्दी होत असल्याने सन २०२१ मध्ये त्यांच्यामध्ये वाद झाले होते. शनिवारी रात्री १० वाजेच्या सुमारास रईस शेख हा घरी जात असतांना त्यांच्या शेजारी राहणारा नदीम अहमद शेख याने त्याला बघून शिवीगाळ केली. शिवीगाळ करीत असल्याचा जाब विचारल्याने रईस शेख याला नदीमने त्याच्या हातातील चाकूरसारख्या हत्याने त्याच्यावर वार करीत गंभीर जखमी केले.
