जळगाव : प्रतिनिधी
मराठा समाजाच्या आरक्षणासाठी लढा देणारे मनोज जरांगे पाटील यांचा राज्यात दौरे सुरू असून खानदेश दौऱ्यामध्ये जळगाव शहरात ४ डिसेंबर रोजी सभेचे आयोजन करण्यात आले आहे. सभेच्या नियोजनासाठी व तारीख निश्चित करण्यासाठी आज जळगाव जिल्ह्यातील सकल मराठा समाजाचा पदाधिकारी यांनी छत्रपती संभाजीनगर येथे मनोज जरांगे पाटील यांची भेट घेऊन सभेचे नियोजन करण्यात आले.
जळगाव जिल्हा सकल मराठा समाजातर्फे मराठा समाजाच्या आरक्षणासाठी लढा देणारे मनोज जरांगे पाटील यांच्या सभेच्या आयोजनाबाबत जळगाव येथे रविवारी सकाळी साडेदहा वाजता पद्मालय रेस्ट हाऊस येथे समाजाची बैठक घेण्यात आली. यावेळी बैठकीत आयोजन व स्थळाबाबत चर्चा करण्यात आली. सभेची तारीख निश्चित नसल्याने तारीख निश्चित करण्याबाबत सकल मराठा समाज जळगाव जिल्ह्यातील समाज बांधवांनी छत्रपती संभाजीनगर येथे उपचारासाठी दाखल असलेले मनोज जरांगे पाटील यांची भेट घेतली. यावेळी ४ डिसेंबर रोजी जळगाव येथे सभा घेण्याचे तरंगे पाटील यांनी सांगितले. सर्व समाज बांधवांनी जोमाने सभेच्या तयारीला लागण्याचे आवाहन केले.
