नवी दिल्ली : वृत्तसंस्था
वॉशरूमला जाऊ न दिल्याने विमानात प्रवाशांसमोर महिलेने पँट काढून टॉयलेट करण्याचा प्रयत्न केल्याचा व्हिडीओ सध्या व्हायरल होत आहे. व्हिडीओमध्ये महिला प्रवासी कर्मचाऱ्यांशी वाद घालतानाही दिसत आहे.
फ्रंटियर एअरलाइन्सच्या फ्लोरिडाहून फिलाडेल्फियाला जाणाऱ्या फ्लाइटमधील एका महिलेने तिची पँट काढण्याचा प्रयत्न करत लघुशंका करण्याची धमकी देऊ लागली. महिला प्रवाशाच्या या कृत्याने इतर प्रवाशांनाही धक्का बसला. महिला प्रवाशाला वॉशरूमला जायचे होते, मात्र विमान कर्मचाऱ्यांनी तिला सध्या वॉशरूम वापरता येणार नाही, असे सांगितले. यामुळे महिला प्रवासी संतप्त झाली आणि तिने सीटच्या समोर शौचची धमकी दिली. त्यानंतर तीने तिची पँट खाली ओढली. महिलेला हे करताना पाहून इतर प्रवाशांनी विरोध केला. मात्र ती मला वॉशरूमला जायचे आहे, असे ओरडली. यावेळी तीने प्रवाशाला जीवे मारण्याची धमकीही दिली.
