नागपूर : वृत्तसंस्था
राज्याची उपराजधानी असलेल्या नागपूर शहरात लोखंडी चाकू, तलवार, दोरी, मिरची पावडर, स्टीलचा रॉड घेऊन दरोडा टाकण्याच्या तयारीत असलेल्या चार जणांना नवीन कामठी पोलिसांनी अटक केली असून, त्यांचा एक साथीदार अंधाराचा फायदा घेऊन पळून जाण्यात यशस्वी झाला आहे. ही घटना अजनी गावाजवळील चर्चसमोरील चौकात शनिवारी रात्री १२:२४ वाजण्याच्या सुमारास घडली.
आरोपींकडून दरोड्याचे साहित्य जप्त करून त्यांच्याविरुद्ध गुन्हा दाखल करण्यात आला आहे. बादल संजय संतापे (वय २०), रूपेश राजू लारोकार (२२), आशिष उर्फ चिपड्या मामा प्रमोद बागडे (३०), मो. जुबेर मो. आरिफ (३७) अशी अटक करण्यात आलेल्या आरोपींची नावे आहेत. त्यांचा साथीदार अशफाक (३५) हा अंधाराचा फायदा घेऊन पळून गेला.
