भुसावळ : प्रतिनिधी
तालुक्यातील कुन्हा पानाचे गावातील चौकात भरधाव कारने दिलेल्या धडकेत दुचाकीस्वार जखमी झाल्याची घटना गुरूवार १६ नोव्हेंबर रोजी सकाळी ७ वाजता घडली आहे. याप्रकरणी शनिवारी १८ नोव्हेबर रोजी सायंकाळी ७ वाजता कारवरील अज्ञात चालकावर भुसावळ तालुका पोलीसात गुन्हा दाखल करण्यात आला आहे.
मिळालेल्या माहितीनुसार जळगाव शहरातील शिवधाम परिसरातील रहिवासी रविंद्र निनाजी वानखेडे (वय-५७) हे गुरूवार १६ नोव्हेंबर रोजी सकाळी ७ वाजता रविंद्र वानखेडे हे दुचाकी (एमएच १९ ओआर १३५४) ने मलकापूर येथून जळगाव ला येत असतांना भुसावळ तालुक्यातील कुन्हे पानाचे गावाजवळील चौकातून जात असतांना समोरून येणारी कार क्रमांक (एमएच १९ डीव्ही ०४८३) ने जोरदार धडक दिली. या धडकेत दुचाकीवरील रविंद्र वानखेडे हे गंभीर जखमी झाले. त्यांना तातडीने खासगी रूग्णालयात दाखल करण्यात आले. उपचारा घेतल्या नंतर शनिवारी १८ नोव्हेंबर रोजी सायंकाळी ७ वाजता भुसावळ तालुका पोलीस ठाण्यात फिर्यादी आहे. त्यानुसार कारवरील अज्ञात चालकावर भुसावळ तालुका पोलीस ठाण्यात गुन्हा दाखल करण्यात आला आहे. पुढील तपास पोलीस नाईक कैलास बाविस्कर करीत आहे.
