प्रतिनिधी लक्ष्मण पाटील : धरणगाव जवाहर शिक्षण प्रसारक मंडळ धरणगांव संचलित के.जी. गुजराथी मुक बधीर निवासी विद्यालय, मतिमंद निवासी व अनिवासी विद्यालय, मुक बधीर निवासी कार्यशाळा (I.T.T.) धरणगाव येथे जागतिक दिव्यांग दिन साजरा करण्यात आला.
याप्रसंगी कार्यक्रमाचे अध्यक्षस्थानी प्रमोद पाटील (माजी सभापती कृषी उत्पन्न बाजार समिती धरणगाव) यांच्या हस्ते डॉ. हेलन केलर यांचे प्रतिमेचे पूजन करुन माल्यार्पण करण्यात आले. प्रमुख अतिथी जयदीप पाटील सर,( दिव्यांग विभाग प्रमुख पंचायत समिती धरणगाव), विद्यार्थी व मान्यवरांचा सत्कार करण्यात आला.
कार्यक्रमाचे प्रास्ताविक करतांना संतोष भडांगे सर यांनी केले. दिव्यांगांचे हक्क, अधिकार व कायदे याविषयी ॲड. संदीप पाटील यांनी मार्गदर्शन केले. तुळशिराम सैंदाणे सर (वि. शिक्षक प.स.धरणगाव ) यांनी मार्गदर्शन केले दिपक पाटील सर (वि. शिक्षक प.स. धरणगाव) यांनी डॉ. हेलन केलर यांच्या जिवनावर आधारित पोवाडा सादर केला. कार्यक्रमाला अतुल पाटील सरांची व मान्यवरांची उपस्थिती लाभली.
कार्यक्रमाचे सूत्रसंचालन संतोष भडांगे सरांनी व आभार शाळेचे मुख्याध्यापक वाल्मिक पाटील सरांनी मानले. कार्यक्रम यशस्वीतेसाठी शाळेचे मुख्याध्यापक, शिक्षक व शिक्षकेतर कर्मचारी वृदांनी परिश्रम घेतले.
