प्रतिनिधी लक्ष्मण पाटील : येथील पंचायत समितीच्या वतीने ३ डिसेंबर, आंतरराष्ट्रीय (अपंग) दिव्यांग दिवस साजरा करण्यात आला. आंतरराष्ट्रीय दिव्यांग दिनानिमित्त दिव्यांग सल्ला व मार्गदर्शन केंद्र येथे विविध कार्यक्रमाचे आयोजन करण्यात आले होते.
कार्यक्रमाचे अध्यक्ष धरणगाव पं. स. चे युडीआयडी समन्वयक जयदीप पाटील यांनी डॉ. हेलन केलर यांच्या प्रतिमेचे पूजन केले व उपस्थित दिव्यांगांना पुष्पगुच्छ व युडीआयडी कार्ड देऊन सन्मानित करण्यात आले.
याप्रसंगी प्रमुख अतिथी म्हणून मूकबधिर विद्यालयाचे मुख्याध्यापक वाल्मिकराव पाटील, संतोष भडांगे सर, दिपक पाटील सर, तुळशीराम सैंदाने सर आदी मान्यवरांनी दिव्यांगाच्या विविध योजनेविषयी माहिती दिली. यावेळी कार्यालयीन अधिकारी, कर्मचारी मोठ्या संख्येने उपस्थित होते. कार्यक्रमाचे सूत्रसंचालन व आभार सल्ला व मार्गदर्शन प्रमुख किशोर प्रतापराव पाटील सर यांनी मानले.
