बारामती : वृत्तसंस्था
प्रत्येक परिवारात छोटे मोठे भांडण नेहमीच सुरु असते पण अनेकदा हेच छोटे मोठे भांडण टोकाला पोहचून काय होणार हे कुणीही सांगू शकत नाही, अशीच एक धक्कादायक घटना बारामती तालुक्यातील धुमाळवाडी येथे घडली आहे. बापाकडून पोटच्या मुलाचा निर्घृणपणे खून केल्याची घटना उघडकीस आली आहे.
मिळालेल्या महिह्तीनुसार, अहिल्यानगर येथील लालासाहेब धोंडीबा कोकरे व मुलगा गणेश लालासाहेब कोकरे यांच्यात घरगुती वादावरून भांडण झाले. या भांडणात वडील लालासाहेब कोकरे यांनी गणेशच्या डोक्यात गज घालून हत्या केली. मंगळवारी सकाळी ही घटना उघडकीस आली. घटनास्थळी माळेगाव पोलिस ठाण्याचे निरीक्षक किरण अवचर यांनी भेट देऊन घटनास्थळाचा पंचनामा करून पुढील कार्यवाही सुरू केली आहे. दरम्यान, खूनाची कबुली लालासाहेब कोकरे यांनी दिली असल्याचे किरण अवचर यांनी सांगितले.
