यावल : प्रतिनिधी
गर्भवती महिलेने आपल्या राहत्या घरात गळफास घेवून जीवनयात्रा संपविल्याची धक्कादायक घटना यावल तालुक्यातील मनवेल या गावात घडल्याने मोठी खळबळ उडाली आहे.
मिळालेल्या माहितीनुसार, यावल तालुक्यातील मनवेल येथे शितल उर्फ रूपाली विजय कोळी (वय-२२) हि महिला आपल्या परिवारासोबत वास्तव्याला होत्या. दि.७ रोजी मंगळवारी घरात कुणीही नसतांना तिने राहत्या घरात साडीने गळफास घेवून आत्महत्या केली. पती विजय कोळी हे घरी आले तेव्हा हा प्रकार लक्षात आला. आत्महत्या करण्याचे कारण समजू शकले नाही. या घटनेची खबर मयताचे सासरे भगवान दौलत कोळी वय५७ वर्ष यांनी यावल पोलीस ठाण्यात दिल्याने अक्समात मृत्युची नोंद करण्यात आली. पुढील तपास पोलीस निरिक्षक राकेश मानगावकर यांच्या मार्गदर्शनाखाली पोलीस उपनिरिक्षक सुनिल मोरे हे करीत आहे.
