जामनेर : प्रतिनिधी
तालुक्यातील एका गावात महिलेच्या शेतात जावून विळ्याने मारहाण करीत एकाने विनयभंग केल्याची घटना घडली आहे. याप्रकरणी एका विरोधात जामनेर पोलिसात गुन्हा दाखल करण्यात आला आहे.
मिळालेल्या माहितीनुसार, जामनेर तालुक्यातील एका गावात २८ वर्षीय विवाहिता आपल्या परिवारासह वास्तव्यास असून दि.५ रोजी दुपारी १.३० वाजेच्या सुमारास महिला शेतात काम करीत असतांना एक संशयित आरोपी या ठिकाणी येत त्याने महिलेला शेताच्या बांधावर नेवून विनयभंग करीत तिला हातातील लोखंडी विड्याने डोक्यावर व हातावर मारून दुखापत करीत तिच्या गळ्यातील सोन्याची पोत देखील तोडून नुकसान केले याप्रकरणी महिलेच्या फिर्यादीवरून जामनेर पोलिसात एका विरोधात विनयभंग केल्याचा गुन्हा दाखल करण्यात आला आहे. पुढील तपास पोलीस उपनिरीक्षक जयसिंग राठोड हे करीत आहेत.
