लक्ष्मण पाटील: तालुक्यातील बांभोरी बु. येथील मोलमजुरी करणारे देविदास वसंत सोनवणे यांचा चिरंजीव पहेलवान अक्षय देविदास सोनवणे याने नुकतेच गोवा येथे झालेल्या नॅशनल ट्रॅडिशनल कुस्ती स्पर्धेत ‘मास रेसलिंग’ मध्ये सुवर्णपदक मिळविले आहे. ऑल इंडिया रेसलिंग अँड पॅनक्रेषन चैम्पियनशिप २०२१ ही स्पर्धा २९ ते ३१ नोव्हेंबर दरम्यान गोवा येथे पार पडली.
यानिमित्ताने विकल्प ऑर्गनायझेशन धरणगाव यांच्या वतीने अक्षयचा सत्कार करण्यात आला. अक्षयला शालेय स्तरावर जिल्हा – विभाग पातळीवर जाण्यासाठी बालकवी ठोंबरे विद्यालयाचे क्रीडा शिक्षक सचिन सूर्यवंशी सरांचे मार्गदर्शन लाभले. फिनलँड येथे होणाऱ्या वर्ल्ड चॅम्पियनशिपसाठी अक्षयची निवड झाली आहे. त्याने आंतरराष्ट्रीय स्तरावर देखील देशाचा नावलौकिक वाढवावा, यासाठी सर्वांनी सदिच्छा व्यक्त केल्या.
अक्षय सोनवणे च्या सत्कार प्रसंगी तालुका क्रीडा समनव्यक सचिन सूर्यवंशी सर, जि.प. उर्दू शाळा क्र. ०१ चे मुख्याध्यापक ऐनोद्दीन शेख, पै. संदीप (आबा) कंखरे, स्वप्नील मेडिकल चे संचालक सुधाकर वाणी, विकल्प ऑर्गनायझेशन चे अध्यक्ष प्रा. रविंद्र मराठे, सचिव नरेंद्र पाटील, उपाध्यक्ष अमोल महाजन, कोषाध्यक्ष योगेश सोनार, कार्याध्यक्ष लक्ष्मण पाटील, सामाजिक कार्यकर्ते अमोल सोनार, दिनेश भदाणे, जयेश पाटील (बांभोरी), भूषण भागवत, मुन्ना पाटील, अमोल देशमुख, पवन सोनवणे, प्रफुल पवार, निलेश महाजन यापुढे देखील अधिकाधिक परिश्रम घेऊन राष्ट्रीय – आंतरराष्ट्रीय पातळीवर अक्षय च्या माध्यमातून गावाची मान उंचावेल, असा आशावाद उपस्थितांनी व्यक्त केला.
