प्रतिनिधी प्रविण पाटील : जिल्हा परिषदेच्या एकात्मिक बालविकास सेवा योजना प्रकल्पातील बाल विकास प्रकल्प अधिकारी सुधा गिंधवार या ३६ वर्षाच्या प्रदिघे सेवेनंतर सेवानिवृत्त झाले आहे. जिल्हा परिषदेचे मुख्य कार्यकारी अधिकारी डॉ. पंकज आशिया यांच्याहस्ते मंगळवारी ३० नोव्हेंबर रोजी सायंकाळी सत्कार करण्यात आला.
याबाबत माहिती अशी की, जिल्हा परिषदेच्या अंतर्गत असलेल्या एकात्मिक बाल विकास सेवा योजना प्रकल्पातील बाल विकास प्रकल्प अधिकारी सुधा गिंधेवाला हे ३० नोव्हेंबर रोजी ३६ वर्षाच्या प्रदीर्घ सेवेनंतर सेवानिवृत्त झाले. या निमित्ताने जिल्हा परिषदेत जिल्हा परिषदेचे मुख्य कार्यकारी अधिकारी पंकज आशिया यांच्याहस्ते सत्कार केला असून त्यांना पुढील भावी वाटचालीसाठी शुभेच्छा देण्यात आला. यावेळी जिल्हा कार्यक्रम अधिकारी महिला व बालविकास विभाग देवेंद्र राऊत यांच्या उपस्थितीत एकात्मिक बालविकास सेवा योजना कार्यालयात बालविकास प्रकल्प अधिकारी सुधा गिंधेवार यांचा सेवानिवृत्ती सोहळा पार पडला. सदर कार्यक्रमास तालुका वैद्यकीय अधिकारी डॉ. संजय चव्हाण, बालगृह निरीक्षक राजेंद्र पाटील, जळगाव प्रकल्पातील सर्व पर्यवेक्षिका, कार्यालयीन कर्मचारी, आरोग्य विभागातील कर्मचारी उपस्थित होते.
