प्रतिनिधी लक्ष्मण पाटील : धरणगाव तालुक्यातील बालाजी लोंढे तलाठी पाळधी बु. आणि सुमित गवई तलाठी चांदसर यांना प्रांताधिकारी एरंडोल विनय गोसावी यांनी निलंबनाचे आदेश निर्गमित केले आहेत.
याबाबत सविस्तर माहिती अशी की, तलाठी बालाजी लोंढे व सुमित गवई यांच्या बाबतीत नागरिक व शेतकरी यांना न्याय न देणे, मुख्यालयी न थांबणे,अतिवृष्टी याद्यामध्ये नावे वगळणे,शेतकरी व नागरिकांना फिरवणे, 7/12 साठी धरणगावला बोलावणे अशा अनेक तक्रारी नागरिक व शेतकऱ्यांच्या असल्यामुळे चौकशीअंती त्यांचा अहवाल तहसिलदार धरणगाव यांनी पाठविला होता. यात तलाठी पाळधी बालाजी लोंढे यांचा असमाधानकारक असल्याने तसेच तलाठी चांदसर यांनी खुलासा सादर न केल्यामुळे सदर निलंबन कारवाई त्यांच्यावर प्रांताधिकारी यांचेकडून करण्यात आली आहे.
