आजकाल अपघाताचे प्रमाण वाढले असून अपघातात मृत होण्याचे प्रमाण हि वाढले आहे. अशातच जालन्यामधून अपघाताची बातमी समोर येत आहे. जालना जिल्ह्यातील बदनापूर तालुक्यातील मात्रेवाडी शिवारातील निरंकारी पेट्रोल पंपाजवळ मोटरसायकल आणि ट्रॅक्टरचा अपघात झाला. या अपघातात तीन जणांचा जागीच मृत्यू झाल्याची घटना घडली आहे.
सूत्राने दिलेल्या माहितीनुसार, जालना जिल्ह्यातील बदनापूर येथील निरंकारी पंपासमोर रात्री साडेनऊला मोटार cआणि ट्रॅक्टरची समोरासमोर जबर धडक होऊन यामध्ये बापलेकाचा जागीच मृत्यू झाला त्यांचे धडावेगळे झाले. घटनेची माहिती मिळताच पोलिसांनी तात्काळ घटनास्थळी धाव घेऊन जेसीबीच्या सहाय्याने मृतांचे शव ट्रॅक्टर खालून काढून शवविच्छेदनासाठी ग्रामीण रुग्णालय बदनापूर येथे पाठवले आहेत.
नेश्वर साहेबराव साबळे, युवराज ज्ञानेश्वर साबळे आणि आत्माराम कारभारी म्हसके असं मृतांचे नावे आहेत. या घटनेनंतर ट्रॅक्टर चालक फरार झाला असून या ट्रॅक्टरला बोर मशीन जोडलेली आहे तसेच त्यावर नंबर देखील नाही. सदरचे वाहन पोलिसांनी ताब्यात घेतले असून पोलीस पुढील कारवाई करत आहेत.
