मुंबई : वृत्तसंस्था
राज्यातील पोलीसांचे १५ पथक ज्या आरोपीला पकडण्यासाठी गेल्या १५ दिवसापासून दिवस रात्र मेहनत करत होते. अखेर त्या आरोपीला पोलिसांनी कर्नाटकाच्या बंगळुरूमधून अटक केल्याने मोठी खळबळ उडाली आहे. यातील आरोपी ललित पाटील हा चक्क दोन राज्यात १५ दिवसापासून फिरत असल्याची देखील बाहेर आली आहे. त्यानंतर त्याला मुंबईत आणून कोर्टासमोर उभं केलं. कोर्टाने त्याला सोमवारपर्यंत कोठडी सुनावली आहे.
या 15 दिवसात ललित पाटील दोन राज्यात लपून बसला होता. पाच शहरात तो गेला होता. पोलीस त्याचं लोकेशन ट्रेसही करत होते. पण प्रत्येकवेळी तो गुंगारा देऊन पळून जात होता. मात्र, अखेर पोलिसांनी त्याच्या मुसक्या आवळल्याच. पोलिसांना मिळालेल्या माहितीनुसार त्याचा वेगळाच डाव होता. पण तो पकडला गेल्याने त्याचा डाव उधळला गेला आहे. ड्रग्स माफिया ललित पाटील हा ससून रुग्णालयातून पळाल्यानंतर तो 15 दिवस फिरत होता. पोलिसांना गुंगारा देत होता. तो पकडला जात नव्हता. त्याचं लोकेशन ट्रेस होत नव्हतं. पोलीस जायचे आणि तो पळून गेलेला असायचा. तो फरार झाल्यानंतर सीसीटीव्ही कॅमेऱ्यातून इनपूट घेऊन त्याचा माग काढला जात होता. ससून रुग्णालयातून बाहेर पडल्यावर तो सर्वात आधी चाळीसगावला गेला. नंतर धुळे, संभाजीनगर आणि मग गुजरातला गेला असल्याची देखील माहिती मिळत आहे.
गुजरातच्या जामनगरमध्ये ललित पाटील हा तीन दिवस लपून राहिला होता. त्याला पकडण्यासाठी मुंबई पोलिसांनी पाच पथके तयार केली होती. तर पुणे पोलिसांनी दहा पथके तयार केली होती. अशी एकूण 15 पथके त्याच्या मागावर होती. त्यानंतर गुजरातमधून तो थेट समृद्धी मार्गाने सोलापुरात आला होता. सोलापुरातून तो कर्नाटकाला गेला. कर्नाटकातील बंगळुरू येथे असतानाच त्याला साकीनाका पोलिसांनी अटक केली.
