मुंबई : वृत्तसंस्था
राज्यातील अनेक मोठ मोठ्या शहरात भरधाव चारचाकीत अत्याचारसह विनयभंगाच्या घटनेत वाढ होत आहे. नुकतेच नवी मुंबईहून कल्याणच्या दिशेने कॅबने प्रवास करणाऱ्या एका तरुणीचा कॅब चालकाने प्रवासादरम्यान विनयभंग केल्याची घटना कल्याण पूर्वेत घडली आहे. तरुणीने आरडाओरडा केल्याने कॅब चालक पळून गेला. या घटनेने परिसरात एकच खळबळ उडाली आहे.
मिळालेल्या माहितीनुसार, नवी मुंबईहून कल्याणच्या दिशेने कॅबने प्रवास करणाऱ्या एका तरुणीचा कॅब चालकाने प्रवासादरम्यान विनयभंग केल्याची धक्कादायक घटना समोर आली आहे. पीडित तरुणी ही नवी मुंबईमध्ये एका कंपनीमध्ये काम करते. शनिवारी १४, ऑक्टोंबर रात्रीच्या सुमारास काम आटोपून कॅबने घरी येत असताना हा प्रकार घडला. कॅब चालकाच्या कृत्यानंतर पीडित तरुणीने आरडा ओरडा केला. ज्यामुळे घाबरलेल्या कॅब चालकाने पळ काढला.
याप्रकरणी पीडित तरुणीने कोळशेवाडी पोलीस ठाण्यात कॅब चालका विरोधात तक्रार नोंदवली आहे. पीडित तरुणीने दिलेल्या तक्रारीनुसार कॅब चालक राकेश मिश्रा यांच्या विरोधात गुन्हा दाखल करण्यात आला आहे. पोलीस सध्या फरार कॅब चालक राकेश मिश्राचा शोध घेत आहेत.
