अमळनेर : प्रतिनिधी
अमळनेर तालुक्याचे माजी आ.बी.एस.पाटील यांच्या चारचाकीचा अपघात घडल्याची बातमी समोर आली आहे. यावेळी सुदैवाने चारचाकी गाडीमध्ये माजी आ.पाटील हे नव्हते तर त्यांचे चालक असल्याचे समजते. हा अपघात नवलनगर जवळ दि.१० ऑक्टोबर रोजी मंगळवारी सायंकाळी ५ वाजेच्या सुमारास झाला आहे.
मिळालेल्या माहितीनुसार, धुळे येथून सर्व्हिसिंग करून येत असलेल्या माजी आमदार डॉ. बी.एस. पाटील यांच्या वाहनाला नवलनगर जवळ अपघात झाल्याची घटना मंगळवारी सायंकाळी पाच वाजेच्या सुमारास घडली. सुदैवाने यात माजी आमदार डॉ. बी.एस. पाटील नव्हते. केवळ चालक होता. तर गाडीतील दोन्ही एअर बॅगा उघडल्याने चालकही किरकोळ जखमी झाला. याबाबत अधिक माहिती अशी की, माजी आमदार डॉ. बी.एस. पाटील यांची गाडी (एमएच-१२, डब्ल्यू ३२३२) ही मंगळवारी धुळे येथे सर्व्हिसींगसाठी चालक दिनेश धनगर हे घेऊन गेले होते. सायंकाळी ४.४५ वाजता गाडीची सर्व्हिसिंग करून अमळनेरकडे येत असताना नवलनगर जवळील पुलाच्या कठड्याला ही गाडी ठोकली गेली. यात सुदैवाने डॉ. बी.एस. पाटील नव्हते. तसेच गाडीच्या दोन्ही एअर बॅग उघल्याने चालक धनगरही बालंबाल बचावले.
