भुसावळ : प्रतिनिधी
भुसावळ शहरातील बस स्थानक परिसरातून २१ वर्षीय तरुणाचा १२ हजार रुपये किमतीचा मोबाईल चोरणाऱ्या चोरट्याला पोलिसांनी बेड्या ठोकल्या आहे. या प्रकरणी भुसावळ बाजारपेठ पोलिसात गुन्हा दाखल करण्यात आला आहे.
पोलिसांनी दिलेल्या माहितीनुसार, जळगाव शहरातील मास्टर कॉलनी परिसरातील महेंद्र रामनारायण यादव(वय २१) हा तरुण दि.९ रोजी भुसावळ बसस्थानक परिसरात सकाळी ७ वाजेच्या सुमारास एकाने त्याचा मोबाईल हिसकावून पळ काढला होता. यावेळी महेंद्र यादव यांने आरोपीचा पाठलाग करून थांबविले असा त्याला चाकूचा धाक दाखवून आरोपीने बळजबरीने २०० रुपये काढून घेतले होते. याप्रकरणी महेंद्र यादव याने भुसावळ बाजार पेठ पोलीस स्टेशनला फिर्याद देऊन गुन्हा दाखल केला होता. याप्रकरणी पोलिसांनी आरोपी सुरज भांगे याला अटक केली आहे. त्या प्रकरणाचा पुढील तपास सहाय्यक पोलीस निरीक्षक हरीश भोये करीत आहे.
