बीड : वृत्तसंस्था
मजुरी करून खाणाऱ्या भाच्याने मामाच्या घरी जाऊन पोटासाठी भाकर मागितली. याच ठिकाणी मामे भावासोबत बाचाबाची झाली. यात त्याने गावठी कट्टा काढून मेहुण्यावर गोळीबार केला. यात एक गोळी त्याच्या छातीत अडकली. त्यामुळे तो गंभीर जखमी झाला. ही घटना बीड शहरातील पानूड गल्लीत रविवारी मध्यरात्री घडली. गोळीबार करून आरोपी फरार झाला आहे. हि घटना बीड येथे घडली आहे.
मिळालेल्या माहितीनुसार, मनोज दत्ता जाधव (३०) असे जखमीचे नाव आहे. तर रितेश विलास गायकवाड (२२) हा आरोपी आहे. मनोज हा मजुरी करतो. त्याच्यासोबत पत्नी राहत नसल्याने ज्या ठिकाणी मजुरी करेल तेथेच जेवण करायचे, त्यांच्याकडून पैसे घेऊन तो नशा करत असे. ज्या दिवशी काम नाही, त्या दिवशी तो मामा विलास गायकवाड यांच्या घरी जाऊन जेवण मागत असे. रविवारीही मनोज हा मामाच्या घरी जेवणासाठी गेला. यावेळी तो नशेत होता
