नागपूर : वृत्तसंस्था
अल्पवयीन मुलीला पैशांचे आमिष दाखवून देहव्यापारास प्रवृत्त करणाऱ्या महिलेस गुन्हे शाखेच्या पोलिसांनी अटक करून अल्पवयीन मुलीची सुटका केली आहे. यातील एक आरोपी फरार असून पोलिस त्याचा शोध घेत आहेत.
मिळालेल्या माहितीनुसार, शुभांगी योगिराज नागोसे (वय ३५) असे देहव्यापार चालविणाऱ्या महिलेचे नाव आहे, तर भूपेंद्र दुबे (३०) असे तिच्या साथीदाराचे नाव आहे. आरोपी महिला मुलींना पैशांचे आमिष दाखवून त्यांना देहव्यापारासाठी प्रवृत्त करीत होती. मुलींना ग्राहक आणि जागा उपलब्ध करून देऊन ती देहव्यापार चालवित होती.
याची माहिती गुन्हे शाखेच्या युनिट चारला मिळाल्यानंतर त्यांनी सापळा रचून धाड टाकली. तेथे १७ वर्षांच्या अल्पवयीन मुलीकडून आरोपी महिला देहव्यापार करवून घेत असल्याचे उघड पोलिसांनी आरोपी महिलेस अटक करून अल्पवयीन मुलीची सुटका केली.
