पुणे : वृत्तसंस्था
राज्यातील अपघाताची मालिका सुरु असतांना एक भीषण अपघात घडला असून यात बाप – लेकीचा दुर्देवी मृत्यू झाल्याची बातमी समोर आली आहे. हि घटना मावळमध्ये घडली आहे. मावळच्या तळेगाव आंबी एमआयडीसी नाणोली रोडवर भरधाव कंटेनरने दुचाकीला जोरदार धडक दिली. या अपघातात दुचाकीवरील बाप- लेकीचा जागीच मृत्यू झाला तर आई आणि मुलगी गंभीर जखमी झाले. घटनेने परिसरात हळहळ व्यक्त केली जात आहे.
मिळालेल्या माहितीनुसार, सुनील वाघमारे,मुलगी आर्या सुनील वाघमारे, तर मुलगा गणेश आणि पत्नी परवीन वाघमारे हे चार जण तळेगाव आंबी एमआयडीसी नाणोली रोडवरुन घरी जात होते. यावेळी नानोली फाट्याजवळ पाठीमागून येणाऱ्या भरधाव कंटेनरने दुचाकीला धडक दिली. या धडकेत दुचाकीवरील बाप लेकीचा जागीच मृत्यू झाला. तर आई आणि मुलगी गंभीर जखमी झाले आहेत. दुचाकीवरील सर्वजण खाली पडल्यावर कंटेनर न थांबता त्यांच्या अंगावरून निघून गेला असल्याची प्राथमिक माहिती मिळत आहे. अपघाताची माहिती मिळताच स्थानिकांनी धाव घेत जखमींना उपचारासाठी रुग्णालयात दाखल केले.या दुर्देवी अपघातात सुनील वाघमारे आणि मुलगी आर्या सुनील वाघमारे या बाप-लेकीचा दुर्देवी अंत झाला. तर दुसरी मुलगी आणि आई गंभीर जखमी झाले. घटनेनंतर कंटेनरचालक तसाच पुढे निघून गेल्याचे सांगण्यात येत आहे. तळेगाव आंबी एमआयडीसी पोलीस पुढील तपास करत आहेत.
