जळगाव : प्रतिनिधी
जळगाव शहरातील रामानंद नगर पोलिसांनी तीन सराईत गुन्हेगारांना आज एमपीडीए कायद्याखाली स्थानबद्धतेची कारवाई करण्यात केल्यानंतर एमआयडीसी पोलिस स्टेशनच्या रेकॉर्डवरील गुन्हेगाराला देखील स्थानबद्धतेची कारवाई केली आहे. त्यामुळे पुन्हा एकदा जळगाव पोलीस विभागात सराईत गुन्हेगारावर धडक कारवाईची मोहीम सुरु केली आहे. एमआयडीसी पोलिसांनी संतोष उर्फ बब्या सुभाष राऊत (कोळी) यावर कारवाई केली आहे. हि कारवाई जिल्हाधिकारी आयुष प्रसाद यांच्या आदेशाने हि कारवाई करण्यात आली आहे.
मिळालेल्या माहितीनुसार, एमआयडीसी पोलिस स्टेशनला संतोष राऊत याच्याविरुद्ध ९ गुन्हे दाखल असून दोना वेळा प्रतिबंधात्मक कारवाई करण्यात आली असून पो.नि. जयपाल हिरे यांच्यासह पोलिस उप निरीक्षक दिपक जगदाळे, सहायक फौजदार अतुल वंजारी, हे.कॉ. गफ्फार तडवी, पोलिस नाईक सचिन पाटील, योगेश बारी, पो.कॉ. साईनाथ मुंडे, संदीप धनगर आदींनी या प्रस्ताव तयार करण्याकामी सहकार्य केले. तसेच या सर्वांसह पो.ना. इमरान सैय्यद, सुधीर सावळे, विशाल कोळी, राहुल रगडे, महिला पोलिसकर्मी हसीना तडवी आदींनी गुन्हेगार संतोष राऊत याची औरंगाबाद मध्यवर्ती कारागृहात रवानगी केली.
