धरणगाव लक्ष्मण पाटील : आज रोजी धरणगाव शहर काँग्रेस यांच्या वतीने सार्वजनिक बांधकाम विभाग धरणगाव येथे निवेदन देण्यात आले. कला वाणिज्य आणि विज्ञान महाविद्याल जळगाव रोड येथे रबरी स्पिड ब्रेकर बसविण्याबाबत हे निवेदन देण्यात आले.
ग्रामीण व शहरी भागातील विध्यार्थी तसेच शिक्षक कर्मचारी वर्ग व जिनींग चे कामगार पायी प्रवास करीत असतात व त्या रस्त्यावर कुठल्याही प्रकारचे गती रोधक व फलक नाहीत या म्हणून धरणगाव शहर काँग्रेस पक्षाचे वतीने निवेदन देण्यात आले. यावेळी वरिष्ठ लिपिक खाटीक व वाघ साहेब यांच्या कडे निवेदन दिले. त्यावेळेस शहर अध्यक्ष राजू न्हायदे यांनी ठाकूर साहेब यांच्याशी दूरध्वनिवरून संपर्क साधला त्यांना वरील विषयी त्यांच्या शी बोलणे करून ठाकूर साहेबानी येत्या दोन दिवसात काम पूर्ण करतो, असे आश्वासन दिले. यावेळी तालुका काँग्रेस अध्यक्ष रतीलालनाना चौधरी, शहर अध्यक्ष राजेंद्र न्हायदे, संजय गांधी निराधार समिती सदस्य महेश पवार, तालुका सरचिटणीस रामचंद्र माळी, नंदलाल महाजन, निलेश इंगळे, युवक काँग्रेस उपाध्यक्ष राहुल मराठे, युवक काँग्रेस सरचिटणीस योगेश येवले व कार्यकते उपस्थित होते.
