तासगाव : वृत्तसंस्था
राज्यातील अनेक जिल्ह्यात गणरायाच्या विसर्जन मिरवणुकी सुरु आहे. एक मिरवणुकीत एका ३२ वर्षीय तरुणाचा मृत्यू झाल्याची बातमी समोर आली आहे. या तरुणाचे नाव शेखर सुखदेव पावशे असे असून या प्रकरणी पोलिस ठाण्यात नोंद झालेली नाही.
मिळालेल्या माहितीनुसार, समाज माध्यमांवर कर्ककर्कश आवाजाच्या ध्वनिवर्धक यंत्रणांविरोधात टीकेची झोड उठली आहे. पोलिस काय कारवाई करणार, याकडे लक्ष आहे. येथे काल रात्री अनेक मंडळांच्या विसर्जन मिरवणुका झाल्या. मिरवणुकीनिमित्त उच्च क्षमतेच्या ध्वनिवर्धक यंत्रणा लावल्या होत्या. तरुणाई नाचत होती. काल सायंकाळी सातपासून चौकाचौकांत दणदणाट सुरू होता. विसर्जन मिरवणुकीत पावसेही गेला होता. रात्री बसथांबा चौकात मिरवणुका आल्यानंतर ईर्षा सुरू झाली. धडकी भरवणाऱ्या आवाजामुळे अनेकांना त्रास झाला. अस्वस्थ वाटू लागल्‍यामुळे पावसेला तासगाव येथील खासगी रुग्णालयात दाखल केले. उपचारांपूर्वीच त्याचा हृदयविकाराने मृत्यू झाल्याचे डॉक्टरांनी घोषित केले.
