*लेखक सीए. हितेश आगीवाल यांना पाठीवर शाबासकी देत स्वाक्षरी करून केले कौतुक!*
मुंबई : वृत्तसंस्था
रोजी मुख्यमंत्री ना. एकनाथ शिंदे तसेच जळगाव जिल्ह्याचे पालकमंत्री ना. गुलाबरावजी पाटील यांच्याहस्ते “ABC- अ बजेट चॅट” या पुस्तकाचे वर्षा शासकीय निवास येथे बुद्धीचे देवता गणपती बाप्पा समोरच विमोचन करण्यात आले. याप्रसंगी मुख्यमंत्र्यांनी लेखकांना शुभेच्छा देताना सांगितले की “ABC – अ बजेट चॅट” या पुस्तकाद्वारे देशाच्या आर्थिक गती व प्रगती चे लोकांना मार्गदर्शन करण्याचा एक सुंदर प्रयोग सीए. हितेश आगीवाल व सीए. अमृता मणियार यांनी केला आहे या पुस्तकात आर्थिक व कर नियोजनाचे मुद्देसूद व सुटसुटीत मांडणी केली आहे तसेच आपला देश कशी प्रगती करतोय, आपल्या राज्याची आर्थिक व्यवस्था कशी आहे आणि आपण सर्वांनी काय अचूक नियोजन केले पाहिजे या सर्व सूचना सुसंगतपणे मांडण्याचे काम दोन्ही लेखकांनी केले आहे.
तसेच याप्रसंगी उपस्थित सीए. हितेश आगीवाल यांनी सांगितले की देशाचा अमृत काल अर्थसंकल्प हा “सप्तर्षी” संकल्पनेवर आधारित असून यात ७ मुख्य प्राधान्य देत आपल्या महाराष्ट्र राज्याने सुद्धा सामान्य जनता, शेतकरी व महिला वर्गाचा विचार करून “पंचामृत” अर्थसंकल्प मांडला आहे.
याप्रसंगी पालकमंत्र्यांचे खासगी सचिव अशोक पाटील, नागरी उड्डाण विभागाचे अधिकारी गजानन डावरे, मोहाडी सरपंच धनंजय सोनवणे, धरणगाव नगरसेवक पप्पु भावे, वाल्मीक पाटील आदी मान्यवर उपस्थित होते.
