जालना : वृत्तसंस्था
जालना शहरातील साडेपाच वर्षांच्या मुलीचे अपहरण करणाऱ्या पित्याला कदीम जालना पोलिसांनी अकोला शहरातून मंगळवारी ताब्यात घेतले आहे.
मिळालेल्या माहितीनुसार, शहरातील कांचननगर भागातील एका ३७ वर्षीय महिलेचा विवाह काही वर्षांपूर्वी अकोला येथील योगेश नरेंद्र परमार याच्यासोबत झाला. लग्नानंतर त्यांना एक मुलगी झाली असीम, ती सध्या साडेपाच वर्षांची आहे. या पती-पत्नीत वाद होत असल्याने त्यांनी न्यायालयामार्फत घटस्फोट घेतला. घटस्फोट मंजूर करताना न्यायालयाने मुलीचा ताबा आईकडे दिला आहे. वडिलांना दरमहिन्याच्या तिसऱ्या शनिवारी दुपारी ३ ते ५ या वेळेत कौटुंबिक न्यायालयाच्या आवारात मुलीला भेटण्याची परवानगी दिलेली आहे. सदर मुलगी सोमवारी दुपारी १ वाजेच्या सुमारास शाळा सुटल्यानंतर घरी व्हॅनमधून नेहमीप्रमाणे येत होती. व्हॅनमधून उतरल्यानंतर घराजवळून त्या मुलीचे एका कारमधील तिघांनी अपहरण केले होते. याप्रकरणी पोलिस तपासात मुलीचे अपहरण पित्यानेच केल्याचे समोर आले
