भंडारा : वृत्तसंस्था
राज्यातील महामार्गावर अपघाताची मालिका सुरु असतांना नुकतेच राष्ट्रीय महामार्गावरून भंडाराकडे जात असलेला मालवाहू ट्रक जात होता. याचवेळी समोरून प्रवाशांना घेऊन भंडाऱ्याच्या दिशेने येत असलेल्या कारला जोरदार धडक दिली. यात कारमधील चालकासह आठ प्रवाशी गंभीर जखमी झाले आहेत.
सदर अपघात राष्ट्रीय महामार्गावरील पलाडी शिवारात घडली असून या अपघातात आठ प्रवासी जखमी झाले आहेत. त्यांना उपचार्थ भंडारा जिल्हा सामान्य रुग्णालयात पाठविण्यात आले आहे. दरम्यान भंडारा येथून लाखनीकडे प्रवाशी वाहनात आठ प्रवाशी बसून जात होते. दरम्यान पलाड़ी शिवारात कारमधील चालक समोर जाणाऱ्या वाहनाला ओव्हरटेक करत पुढे जाण्याचा प्रयत्न करत होता. ओव्हरटेक करत असताना अंदाज चुकला व विरुद्ध दिशेने येणाऱ्या ट्रकची समोरासमोर धडक दिली. यात कारमध्ये बसलेले आठ प्रवासी जखमी झाले. नंदकुमार डोमाजी रामटेके (रा. खेडेपार) यांच्या तक्रारीवरून कार चालक नंदलाल देंगे (रा. कन्हाळमोह) यांच्याविरुद्ध कारधा पोलिसांनी गुन्ह्याची नोंद केली आहे. अधिक तपास हवालदार खडसे करत आहेत.
