जळगाव : प्रतिनिधी
एका अल्पवयीन मुलाने दुस-या अल्पवयीन मुलासोबत मध्यरात्रीच्या सुमारास अनैसर्गिक अत्याचार केल्याचा धक्कादायक प्रकार जळगावातील मुलांच्या निरीक्षणगृहात उघडकीस आला आहे. या प्रकरणात एका विरोधात जिल्हापेठ पोलिस स्टेशनला गुन्हा दाखल करण्यात आला आहे.
पोलिसांनी दिलेल्या माहितीनुसार, जळगाव शहरातील मुलांच्या निरीक्षणगृह / बालगृहातील दि. ३१ ऑगस्ट रोजी रात्री २.३० वाजेच्या सुमारास एका १३ वर्षीय अल्पवयीन मुलाने सोबत असलेल्या १० वर्षीय मुलासोबत अनैसर्गिक कृत्य केले. घडलेला प्रकार जर कुणाला सांगितला तर मारहाण करण्याची धमकी अल्पवयीन मुलास देवून हे चुकीचे कृत्य करण्यात आले. या प्रकरणी जिल्हा पेठ पोलिस स्टेशनला दाखल गुन्ह्याचा पुढील तपास स.पो.नि.मिरा देशमुख करत आहेत.
