जळगाव शहरातील एका लॉजच्या आड अवैधरीत्या कुंटणखाना सुरू असल्याची माहिती पोलिसांना मिळाल्यानंतर यंत्रणेने छापा टाकत आंबटशौकीन पुरूषांसह पाच महिलांना ताब्यात घेतल्यानंतर शहरात खळबळ उडाली. ही कारवाई मंगळवार, 12 रोजी सायंकाळी 7 वाजेच्या सुमारास करण्यात आली. या कारवाईमुळे खळबळ उडाली.
मिळालेल्या माहितीनुसार, जळगाव जिल्हापेठ पोलीस ठाण्याच्या हद्दीतील चोपडा मार्केट येथील एका लॉजवर कुंटणखाना सुरू असल्याची गोपनीय माहिती जिल्हापेठ पोलीस ठाण्याचे पोलीस निरीक्षक डॉ. विशाल जयस्वाल यांना मिळाल्यानंतर त्यांनी कारवाईच्या सूचना केल्या. पोलिसांनी बनावट ग्राहक बनून पंटर पाठवल्यानंतर खात्री होताच छापा मारला. दरम्यान, या सर्व प्रकाराची खातरजमा झाल्यानंतर पोलिसांनी छापा टाकून 5 महिलांसह पाच ते सहा पुरुषांना ताब्यात घेतले. या प्रकारामुळे परीसरात खळबळ उडाली आहे. याच प्रकारचा अनैतिक व्यवसाय हा अनेक लॉजेसवर सुरू असून त्यांच्यावर कारवाई करण्याची मागणी करण्यात येत आहे.
ही कारवाई पोलीस निरिीक्षक विशाल जयस्वाल यांच्या मार्गदर्शनाखाली सहाय्यक पोलीस उपनिरीक्षक मीरा देशमुख, सलीम तडवी, रवींद्र साबळे, तुषार पाटील, जयेश मोरे, महिला कॉन्स्टेबल मनीषा बिरारी आणि कल्पना मोटे आदींच्या पथकाने केली.
शेवटचे वृत्त हाती आले तेव्हा पोलिसात गुन्हा दाखल करण्याचे काम सुरु होते.
