पुणे : वृत्तसंस्था
राज्यात गुन्हेगारीच्या घटना वाढत असतात यासोबत चोरीच्या देखील घटना घडत आहे. अशातच एक धक्कादायक घटना पिंपरीत घडली आहे. चोरी करत असताना पाहिले म्हणून तिघांनी एका सुरक्षारक्षकाला हाताने व लोखंडी तलवारीने मारहाण केली आहे ही घटना रविवारी रात्री पिंपरी येथे घडली. याप्रकरणी सुखदेव राजेंद्र मोरे (वय 45 रा पिंपरी) यांनी पिंपरी पोलीस ठाण्यात फिरत दिली आहे. यावरून पोलिसांनी उज्वल विनोद लव्हे (वय.21 रा पिंपरी) याला अटक केली असून, त्याचे साथीदार गौरव वाल्मिकी व राज वाल्मिकी यांच्यावर गुन्हा दाखल केला आहे.
पोलिसांनी दिलेल्या माहितीनुसार, उज्वल व गौरव याला पिंपरी पुलाखालून स्टील चोरी करताना फिर्यादी यांनी पाहिले होते. यादरम्यान फिर्यादी यांच्या घरासमोर शाहरुख शेख व आश्रम शेख हे दोन भावांमध्ये भांडण सुरू होते. यावेळी भांडण सोडवत असताना उज्वल व गौरव तेथे आले व त्यांनी फिर्यादीला शिवीगाळ करत जुनी भांडणे काढली यात आरोपींनी फिर्यादीला त्या भुकेने मारहाण करत तलवार हातावर मारून हाताचे हाड फ्रॅक्चर केले. तसेच तुला बघून घेतो अशी धमकी दिली. यावरून पिंपरी पोलिसांनी एकाला अटक केली असून पोलीस पुढील तपास करत आहेत.
