जळगाव : प्रतिनिधी
जळगाव शहरातून जाणाऱ्या महामार्गावरून जात असताना अचानक वळण घेतलेल्या ट्रकला समोरून येणाऱ्या चारचाकी वाहनाने जोरदार धडक दिली. यात दोन्ही वाहनांचे नुकसान झाले. हा अपघात २७ ऑगस्ट रोजी रात्री गोदावरी अभियांत्रिकी महाविद्यालय समोर झाला. याप्रकरणी दोन्ही वाहन चालकांविरुद्ध एमआयडीसी पोलिस ठाण्यात गुन्हा दाखल करण्यात आला आहे.
मिळालेल्या माहितीनुसार, जळगावकडून भुसावळकडे जात असलेल्या ट्रकचे (क्र. एमएच ४०- बीएल ६५८७) चालक सुनीलकुमार रमेशचंद्र चव्हाण (रा. नागपूर) यांनी अचानक वळण घेतले. त्याच वेळी समोरून येणाऱ्या चारचाकी वाहनाची (क्र. एमएच १९ एएक्स ०३५१) या ट्रकच्या मागील बाजूला धडक लागली. त्यामुळे दोन्ही वाहनांचे मोठे नुकसान झाले. याप्रकरणी पोकॉ किरण पाटील यांच्या फिर्यादीवरून वाहनांच्या नुकसानीस कारणीभूत असल्याने ट्रक चालक सुनीलकुमार चव्हाण व चारचाकी चालक शेख साजिद शेख जब्बार (रा. चोपडा) यांच्याविरुद्ध एमआयडीसी पोलिस ठाण्यात २८ ऑगस्ट रोजी रात्री गुन्हा दाखल करण्यात आला. पुढील तपास पोलिस नाईक सुनील सोनार करीत
