नवी दिल्ली : वृत्तसंस्था
प्रत्येकाच्या आयुष्यात भविष्यात काय होणार आहे. हे कोणीच सांगू शकत नाही असं नेहमी आपल्याला घरातले किंवा मित्रमंडळ सांगतात. कधी कधी एखादं सुख मिळवण्यासाठी आपल्याला एखादा गुन्हा करावा लागतो. असाच काहीसा प्रकार दिल्लीत घडला आहे. देशाच्या राजधानीत आपल्या मुलीची इच्छा पूर्ण करण्यासाठी बापाने टोकाचा निर्णय घेतला आहे. संजय गुप्ता (41) आणि अनीता गुप्ता (36) असं पती पत्नीचं नाव आहे. त्यांनी घरातील खरी गोष्ट ज्यावेळी पोलिसांना सांगितली. त्यावेळी पोलिस सुध्दा एकदम हतबल झाले होते.
आरोपीच्या मुलाचा एक वर्षापुर्वी मृत्यू झाला आहे. त्यांच्या मुलीने अशी मागणी केली की, बापाने टोकाचा निर्णय घेतला. त्यांच्या मुलीने यावर्षी रक्षाबंधनाला मला भाऊ पाहिजे अशी अट ठेवली. त्या मुलीची मागणी ऐकून तिच्या बापाने घरातील बाईक काढली आणि अर्ध्या रात्री दिल्लीच्या रस्त्यावर फिरु लागला. राजधानीतील काही रस्त्यावर आरोपी फिरला, त्यानंतर रस्त्याच्या बाजूला असलेल्या एका दिव्यांग मुलाची चोरी केली. मुलीची इच्छा पूर्ण करण्यासाठी त्यांनी टोकाचा निर्णय घेतला. त्या मुलाला ज्यावेळी घरी आणलं त्यावेळी त्यांनी त्यांच्या मुलाप्रमाणे त्याचा सांभाळ करण्यास सुरुवात केली. ज्या महिलेचं मुलं चोरलं आहे, त्या महिलेला किती वेदना झाल्या झाल्या असतील हे तुम्ही समजू शकता.
छत्ता रेल चौक परिसरात रस्त्याच्या कडेला राहणारी महिला आपल्या मुलांसोबत झोपली होती. मुलगा चोरी केल्याचं तिला माहित नव्हतं. ज्यावेळी मुलगा कुठेचं दिसेना झालाय, त्यावेळी ती सुध्दा चांगलीचं बिथरली. ही घटना रात्री तीन वाचता घडली आहे. ज्यावेळी हे प्रकरण पोलिस स्टेशनमध्ये गेलं त्यावेळी पोलिसांनी या प्रकरणाची गंभीर दखल घेतली. पोलिसांनी साधारण ४०० सीसीटिव्ही शोधून काढले. ज्यावेळी पोलिसांनी चौकशी केली. त्यावेळी दोन लोकं फिरत असल्याची माहिती मिळाली. पोलिसांनी त्या बाईकचा पाठलाग केला. त्यावेळी ती बाईक लोक नायक जयप्रकाश रुग्णालयात पोहोचली होती. त्यावेळी त्या गाडीचा नंबर सीसीटिव्हीत पाहिला, ती बाईक आरोपीच्या नावावर होती. त्यावेळी पोलिसांनी आरोपीची घरी जाऊन चौकशी केली. तिथं मुलगा आरामात झोपला होता. पोलिसांनी आरोपीच्या विरोधात गुन्हा दाखल केला असून चौकशी सुरु केली आहे.
