कल्याण : वृत्तसंस्था
शाळेतील शिक्षक व विद्यार्थीमध्ये नेहमीच प्रेमाचे नाते असते. याच गुरु शिष्याच्या नात्याला काळिमा फासणारी घटना राज्यातील कल्याण शहरात घडली आहे. पूर्व परिसरातील एका नामांकित शाळेत पाच वर्षाच्या अल्पवयीन मुलावर शाळेत डान्स शिकवण्यासाठी आलेल्या डान्स टीचरने लैंगिक अत्याचाराचा प्रयत्न केल्याची घटना घडली. या प्रकरणी डान्स टीचर समीर कदमला कोळसेवाडी पोलिसांनी बेड्या ठोकल्या आहेत. मात्र गेल्या काही दिवसांपासून कल्याणपूर्वमध्ये गुन्हेगारी घटनांमध्ये वाढ होत आहे.
पोलिसांकडून देखील गुन्हेगारीला आळा घालण्यासाठी शर्तीचे प्रयत्न सुरू आहेत. मात्र त्यानंतरही गुन्हेगारी वाढत असल्याने ही गुन्हेगारी थांबवण्याचे आव्हान कल्याण कोळसेवाडी पोलिसांसमोर उभे ठाकले आहे. कल्याण पूर्वेतील एका नामांकित शाळेत शिकणाऱ्या एका पाच वर्षीय मुलाला त्याच्याकडून त्याची व्यथा ऐकून आई-वडिल चिंतेत पडले. मुलगा सांगत होता का, त्याच्यासोबत काही तरी अनैतिक प्रकार घडला आहे. या बाबत आई वडिलांनी शाळेत जाऊन विचारपूस करण्याचे ठरविले. मात्र ही घटना शुक्रवारी घडली होती. शनिवार रविवारी शाळा बंद होती. सोमवारी आई वडील शाळेत पोहचले आणि शाळेला माहिती दिल्यानंतर घटना समोर आली. मुलासोबत शाळेच्या शौचालयात लैगिंक अत्याचार करण्याचा प्रयत्न करण्यात आला होता. हे कृत्य दुसरे कोणी नाही तर शाळेत डान्स शिकवणाऱ्या समीर कदम याने केला होता. या प्रकरणी कोळसेवाडी पोलीस ठाण्यात गुन्हा दाखल करण्यात आला आहे. कोळसेवाडी पोलिसांनी आरोपी डान्स टीचर समीर कदमला अटक करुन पुढील तपास सुरू केला आहे. मात्र ही अतिशय धक्कादायक घटना आहे. या घटनेमुळे एकच खळबळ उडाली आहे.
