जळगाव : प्रतिनिधी
शहरातून कामावरून दुचाकीने घरी जाण्यासाठी निघालेल्या तरूणाला भरधाव वेगाने येणारी अनोळखी चारचाकीने जोरदार धडक दिल्याने तरूण जखमी झाल्याची घटना गुरूवारी १७ ऑगस्ट रोजी रात्री बारा वाजता घडली. जखमी तरूणाला जिल्हा शासकीय वैद्यकीय महाविद्यालयात दाखल करण्यात आले.
पोलिसांनी दिलेल्या माहितीनुसार, यावल तालुक्यातील अंजाळे येथील रहिवासी किरण सोभा कोळी (वय-४३) हा तरूण जळगावात खासगी कामासाठी दुचाकी (एमएच १९ डीएल ४३४०) ने गेला होता. काम आटोपून घरी परतत असतांना गुरूवारी १७ ऑगस्ट रोजी रात्री सव्वा बारावाजेच्या सुमारास देऊळगाव जवळून जात असतांना त्याच्या दुचाकीला मागून अज्ञात भरधाव कारने जोरदार धडक दिली. या धडकेत किरण कोळी हा पडल्याने त्यांच्या दोन्ही पायाला गंभीर दुखापत झाली. अपघात घडल्यानंतर कारचालक हा वाहन घेवून पसार झाला होता. याप्रकरणी गुरूवारी १७ ऑगस्ट रोजी सायंकाळी ६ वाजता जळगाव तालुका पोलीसात अकस्मात मृत्यूची नोंद करण्यात आली आहे. पुढील तपास पोलीस नाईक ज्ञानेश्वर कोळी करीत आहे.
