लाईव्ह महाराष्ट्र न्यूज: भुसावळ शहरातील चितोळे वाणी मंगल कार्यालयासमोर गावठी कट्ट्यासह एकाला एलसीबीने अटक केली आहे. याप्रकरणी भुसावळ पोलीस ठाण्यात गुन्हा दाखल करण्यात आला आहे.
याबाबत माहिती अशी की, भुसावळ शहरातील वाणी मंगल कार्यालय परिसरात संशयित आरोपी खूशाल उर्फ बंटी गजानन बोरसे (वय-२५) रा. खडका रोड रामदास वाडी भुसावळ हा तरूण बेकायदेशीर रित्या गावठी बनावटीचे कट्टा घेवून फिरत असल्याची गोपनिय माहिती स्थानिक गुन्हे शाखेचे पोलीस निरीक्षक किरण कुमार बकाले यांना मिळाली. मिळालेल्या माहिती नुसार सपोनि जालिदर पळे, सहाय्यक फैाजदार अशोक महाजन, पोहेकॉ लक्ष्मण पाटील, संदीप साळवे, पोना किशोर राठोड, रणजित जाधव, श्रीकृष्ण देशमुख, पोकॉ. विनोद पाटील, पोकॉ ईश्वर पाटील, विजय चौधरी हे पथक भुसावळ रवाना झाले. संशयित आरोपी खूशाल उर्फ बंटी गजानन बोरसे याला शहरातील वाणी मंगल कार्यालयाजवळून अटक केली. त्याच्या ताब्यातील लोखंडी गावठी कट्टा हस्तगत केला आहे.
