नागपूर : वृत्तसंस्था
जिल्ह्यातून भाजप नेत्या सना खान गेल्या काही दिवसापासून गायब झाल्या होत्या त्यानंतर जबलपूरमधील हिरण नदीत त्याचा मृतदेह आढळून आला असून या प्रकरणी जबलपूरच्या गोरा बाजार पोलिसांनी आरोपी अमित उर्फ पप्पू साहू याला अटक केली आहे. आरोपीने सनाची हत्या करून मृतदेह हिरण नदीत फेकल्याची कबुली दिली आहे.
सनाने चार महिन्यांपूर्वीच अमितसोबत कोर्ट मॅरेज केले होते. पोलिसांनी आरोपीला घटनास्थळी नेले. मात्र, अद्याप मृतदेह सापडलेला नाही. त्यांची हत्या का आणि कशी झाली हेही समोर आलेले नाही. पोलिसांनी आणखी दोघांनाही ताब्यात घेतले आहे. महाराष्ट्र पोलिसांनी आरोपी अमित साहू, त्याचा नोकर जितेंद्र आणि अन्य एका आरोपीला २४ तासांच्या रिमांडवर नागपूरला नेले आहे. शनिवारी न्यायालयाच्या परवानगीनंतर महाराष्ट्र पोलीस आरोपींना जबलपूरला परत आणणार आहेत. नागपूरच्या मानकापूर पोलीस स्टेशन अंतर्गत अवस्थी नगरमध्ये राहणाऱ्या भाजप नेत्या सना खान 2 ऑगस्ट रोजी जबलपूरला गेल्या होत्या. तेव्हापासून त्या बेपत्ता होत्या. त्या अमित साहू यांच्याकडे आल्याचे कळले. नातेवाईकांनी अमितवर खुनाचा संशय व्यक्त केला होता.
कोर्ट मॅरेजच्या वेळी सनाने अमितला सोन्याची चेन भेट दिली होती. गेल्या काही दिवसांपासून सना जेव्हा जेव्हा त्याला व्हिडिओ कॉल करायची तेव्हा त्याच्या गळ्यात ती साखळी दिसत नव्हती. यावरून दोघांमध्ये अनेकदा वादही झाले. सना खानही सोने परिधान करण्याची शौकीन असल्याचे सांगितले जात आहे. त्यांच्या गळ्यात नेहमी चार ते पाच लाखांचे दागिने असायचे. 2 ऑगस्ट रोजी सना जबलपूरला आली तेव्हाही तिने सोने घातले होते. सनाने अमितला दिलेली सोनसाखळी जुलै महिन्यापासून गायब आहे. सनाने विचारले की अमितने बोलणे टाळले. अमितने साखळी विकल्याचा संशय त्यांना आला.
