धरणगाव लक्ष्मण पाटील । शहरापासून जवळ असलेल्या सोनवद रस्त्यावर असलेल्या स्मशानभूमीतील बंद खोलीत दारूच्या बाटल्या, झोपण्यासाठी गादी आणि कंडोमचे पाकिटे आढळले आहे. यामुळे धरणगाव शहरात एकच खळबळ उडाली आहे.
सविस्तर माहिती अशी की, सोनवद रोडवर स्मशाभभूमी आहे. ही खोली नेहमी कुलूप लावून बंद असते. दरम्यान अंत्यसंस्कारासाठी काही वस्तू असतील म्हणून याकडे सर्वांचे दुर्लक्ष असते. दरम्यान आज सोमवारी १५ नोव्हेंबर रोजी सकाळी अज्ञात व्यक्तीने खोलीचे कूलूप तोडले असता खोलीत दारूच्या बाटल्या, गादी, ताट, तांब्या, कंडोमचे पाकिट, तेलाचे डबे, ग्लास, एका पिशवीत कांदे, इतर पदार्थ आणि काही दुचाकी गांड्या नंबरे प्लेटा आढळल्या आहे. त्यामुळे हा प्रकार नेमका काय आहे याची माहिती अद्याप समोर आलेला नाही. दरम्यान या ठिकाणी काही गैरप्रकार किंवा कुणी वस्तव्याला तर राहत नसेल असे एक ना अनेक प्रश्न उपस्थित केले जात आहे. दरम्यान या खोलीची चावी कुणाकडे आहे हे देखील समोर आलेले नाही. कारण स्मशानभूमी समान्य व्यक्ती दिवसा जाण्यास घाबरतो परंतू याठिकाणी संसारोपयोगी वस्तू घेवून कोण राहत असेल यांची गावभर चर्चा सुरू आहे. अद्यापर्यंत शहरात जरी चर्चा झाली तरी धरणगाव नगरपालिका प्रशासन आणि पोलीस प्रशासन यांनी अद्यापपर्यंत स्मशानभूमीत धाव घेतलेली नाही.
