जळगाव : प्रतिनिधी
जळगाव शहरात अनेक तरुण सोशल मीडियाला बळी पडून हातात कोयता घेत दहशत निर्माण करणाऱ्यांची संख्या दिवसेंदिवस वाढत चालली आहे. पुन्हा एकदा रामानंद पोलिसांनी कोयता घेऊन दहशत निर्माण करणाऱ्याला ताब्यात घेतले आहे. हा संशयित आरोपी हद्दपार असतांना देखील दहशत माजवीत होता.
पोलिसांनी दिलेल्या माहितीनुसार, दिनांक ८ऑगस्ट रोजी मंगळवारी रात्री ९ वाजेच्या सुमारास शहरातील समता नगर परिसरात असलेल्या धामणवाडा येथे संशयित आरोपी राहुल काकडे हा हातात कोयता घेऊन दहशत माजवत असल्याची गोपनीय माहिती पोलिसांना समजतात घटनास्थळी रामानंदनगर पोलीस स्थानकाचे पथक गेले. याप्रकरणी पोलिसांनी त्याला अटक करीत गुन्हा दाखल करण्यात आला आहे पुढील तपास पोलीस नाईक विजय खरे हे करीत आहे. रामानंद पोलीस स्थानकाच्या पोलीस निरीक्षक शिल्पा पाटील यांच्या मार्गदर्शनाखाली पोलीस हेडकॉन्स्टेबल संजय सपकाळे सुशील चौधरी विजय खैरे पोलीस नाईक राजे चव्हाण विनोद सूर्यवंशी रेवानंद साळुंखे उमेश पवार रवींद्र चौधरी जुलाल सिंग परदेशी यांनी ही कारवाई केली आहे
