चोपडा : प्रतिनिधी
वेळोदे येथून चोपड्याकडे महाविद्यालयात जात असताना दुचाकी व बस यांच्यात अपघात होवून विद्यार्थी जागीच ठार झाला. सोमवारी सकाळी ११ वाजेच्या ही घटना सुमारास घडली. अमोल मूलचंद भोई ( २३, वेळोदे, ता. चोपडा) असे या विद्यार्थ्याचे नाव आहे.
मयत अमोल भोई हा वेळोदे येथून चोपडा येथे महाविद्यालयात जात होता. तालुक्यातील गलंगी पोलिस चौकीजवळ बस आणि अमोलची दुचाकी यांच्यात अपघात झाल्याने अमोलचा मृत्यू झाला. त्याच्या पश्चात आई वडील, भाऊ असा परिवार आहे. त्याच्यावर सोमवारी संध्याकाळी ६ वाजेच्या सुमारास वेळोदे येथे अंत्यसंस्कार करण्यात आले.
