जळगाव जिल्ह्यात भडगाव तालुक्यात ७ वर्षीय अल्पवयीन मुलीला एका नराधमाने अत्याचार करीत मृतदेह गोठ्यात टाकल्याची घटना उघडकीस आली होती. याप्रकरणी जळगाव स्थानिक गुन्हे शाखेने एका संशयित आरोपीला ताब्यात घेतले आहे. स्वप्नील उर्फ सोन्या पाटील, वय १९, ता. भडगाव असे आरोपीचे नाव आहे.
पोलीस अधीक्षक एम. राजकुमार, अपर पोलीस अधीक्षक चंद्रकांत गवळी,अपर पोलीस अधीक्षक रमेश चोपडे, सहाय्यक पोलीस अधीक्षक अभयसिंह देशमुख,यांनी सदरचा गुन्हा उघडकिस आणणे बाबत स्थानिक गुन्हे शाखेचे वरिष्ठ पोलीस निरीक्षक किसन नजनपाटील यांना आदेश दिले होते.
त्यावरुन स्थनिक गुन्हे शाखेचे सपोनि निलेश राजपुत, पोउपनिरी गणेश वाघमारे, गणेश चोभे, पोह विजयसिंग पाटील, सुधाकर अंभोरे, विजय पाटील, लक्ष्मण पाटील, प्रितम पाटील, महेश महाजन, अनिल जाधव, अकरम शेख, किशोर राठोड, ईश्वर पाटील, किरण चौधरी, हेमंत पाटील, हरिष परदेशी, महेश पाटील, रमेश जाधव, भारत पाटील, प्रमोद ठाकूर, दर्शन ढाकणे यांचे पथक तयार करण्यात आले होते.
मिळालेल्या माहितीनुसार, दिनांक १ ऑगस्ट २०२३ रोजी अल्पवयीन पिडीत मुलगी हिचा मृतदेह हे भडगाव पो.स्टे. हद्दीत आरोपीच्या खळयातील कुट्टीच्या ढिगा जवळ चप्पल मिळून आली. त्यावर कुट्टीचा ढिग उपसून पाहिला असता अल्पवयीन मुलीचे मृतदेह आढळून आला.
त्यानंतर तपासात खळयाचे मालक याची व त्याचे कुटुंबाची चौकशी केली असतांना खळयाच्या मालकाचा मुलगा स्वप्नील उर्फ सोन्या पाटील, वय १९, ता. भडगाव जि. जळगाव याच्यावर जास्त संशय बळावल्याने त्यास ताब्यात घेण्यात आले. त्याला विश्वासात घेवून विचारपूस केली असता त्याने सदर गुन्ह्याची कबुली दिली.
आरोपीस अधिक तपासकामी भडगाव पो.स्टे.चे ताब्यात दिले असून सदर गुन्ह्याचा तपास सहाय्यक पोलीस अधीक्षक अभयसिंह देशमुख यांचे मागर्दशनाखाली पो. निरी. श्री राजेद्र पाटील व त्यांचे पथक हे करीत आहेत.
