मुंबई : वृत्तसंस्था
राज्यातील समृद्धी एक्सप्रेस हायवेवर होणाऱ्या अपघाताची संख्या मोठ्या प्रमाणात वाढ झाली असून नुकतेच ठाण्यातील हायवेवर सोमवारी रात्री उशिरा एक दुर्घटना घडली. शहापूरजवळ सरलांबे येथे महामार्गावरील पुलाचे बांधकाम सुरू असताना गर्डर लॉन्चिंग मशिन पडल्याने 17 मजुरांचा मृत्यू झाला आहे. दोघे जखमी झाले आहेत. महामार्गावर रात्री बांधकाम सुरू होते. हे गर्डर मशीन 100 फूट उंचीवरून पडले. मृतांचा आकडा वाढण्याची शक्यता वर्तवली जात आहे. आताही अनेक मजूर दबलेले असण्याची भीती व्यक्त होत आहे. बचावकार्य सुरू आहे. वास्तविक, गर्डर मशीनचे वजन जास्त असल्याने ते लवकर हटवण्यात अडचणीत येत आहेत. क्रेन आल्यानंतरच बचाव कार्याला वेग येईल.
शाहपूर उपजिल्हा रुग्णालयात सुमारे 15 मृतदेह आणण्यात आले आहेत. शाहपूर उपजिल्हा रुग्णालयात सुमारे 15 मृतदेह आणण्यात आले आहेत. तीन ते चार जखमींवर उपचार सुरू आहेत. मृतांचा आकडा आणखी वाढण्याची शक्यता आहे. अंधारामुळे अजून किती लोक मशीनच्या गर्डरखाली गाडले गेले हे सांगता आले नाही. पंतप्रधान मोदींच्या महाराष्ट्र दौऱ्याच्या काही तास आधी ही घटना घडली.
