कुडे व बालकवी विद्यालयाच्या माजी विद्यार्थाचे यश
प्रतिनिधी लक्ष्मण पाटील: येथील सा. दा. कुडे व बालकवी ठोंबरे विद्यालयाचा माजी विद्यार्थी कुस्तीपटू अक्षय देविदास सोनवणे या विद्यार्थाची गोवा येथे नुकत्याच झालेल्या 9 वी मास रेसलिंग स्पर्धेत त्याची 56 किलो वजन गटात निवड झाली होती.
त्याने फायनल मध्ये झारखंड च्या मल्लास पराजित करून गोल्ड मेडल मिळवल्याने त्याची आता आतंरराष्ट्रीय स्पर्धेसाठी निवड झाली आहे. त्याच्या या यशाबद्दल माध्यमिक विभागाचे मुख्याध्यापक एस. एस. पाटील, डी. आर .चव्हाण, के. जे. पवार, क्रिडाशिक्षक एस. एल. सूर्यवंशी यांनी पुष्पगुच्छ देऊन अभिनंदन केले. यावेळी प्राथमिक विभागाचे मुख्याध्यापक जीवन पाटील, तसेच संस्थेचे अध्यक्ष हेमलालशेठ भाटीया, उपाध्यक्ष अंकुश पाटील, सचिव प्रा. रमेश महाजन व सर्व संचालक मंडळ तसेच सर्व शिक्षक, शिक्षिका व शिक्षकेतर कर्मचारी यांनीही अभिनंदन केले. त्यास या खेळासाठी 10 वी पर्यंत क्रीडाशिक्षक एस. एल. सूर्यवंशी व कैलास माळी यांचे मार्गदर्शन लाभले होते.
